Ĝukiko Todoroki

Ĝukiko Todoroki
Persona informo
Naskiĝo	11-an de septembro 1917; en Azabu
Morto	11-an de majo 1967 (49-jaraĝa); en Komae
Ŝtataneco	Japanio
Familio
Edz(in)o	Masahiro Makino • Koji Shima
Infano	Masayuki Makino
Okupo
Okupo	aktoro
	v • d • r

Ĝukiko Todoroki aŭ Yukiko Todoroki (轟夕起子 Todoroki Yukiko; 11a de Septembro, 1917 – 11a de Majo, 1967) estis japana aktorino. Ŝia reala nomo estis Curuko Niŝiĝama. Ŝi partoprenis en la muzikala trupo de Takarazuka. Tie, ŝi estis konata ne per sia reala nomo, sed per la artista nomo Toruko (Turkizo). Ŝiaj du eks-edzoj estis kinreĝisoroj Masahiro Makino kaj Koji Shima. Ŝia filo estas Masayuki Makino, estro de la Okinava Aktorlernejo. Anna Makino, iama membro de la idolgrupo Super Monkey's, estas ŝia pranepino.

Filmante Edo no Araŭaŝi (1937), ŝi renkontiĝis kun reĝisoro de Nikkatsu nome Masahiro Makino. Ili geedziĝis en 1940. La saman jaron naskiĝis ilia plej aĝa filo, Masayuki Makino.

En 1942, Todoroki translokiĝis al Toho, kun sia edzo Makino. En 1943, ŝi akiris popularecon portretante heroinon Sayo Murai en la debuta filmo de Akira Kurosawa, nome Sanshiro Sugata. Tiun saman jaron ŝi sukcesis per la temkanto de Hanako-san, Otsukai wa jitensha ni notte.

Post la milito, ŝi divorcis disde Makino (1950), kaj poste edziniĝis al Koji Shima (1953), kaj poste divorcis lin (1965). En la postmilita periodo, ŝi dikiĝis kaj estis laŭgrade devigita ludi nur duarangajn rolojn. Por ekzemplo, ŝi ludis la rolon de patrino de Hideki Takahashi en la televidserio Otoko no monshō el 1963 ĝis 1966.